أسئله رمضانيه.....

اقتباس :

السؤال الاول:كيف كانت تقضي وقت الصيام وانت طفل

سؤال محرج صراحه

كان طبعا يوم صيام وعشرة لاء

واليوم اللي اصومه مدري ليش اصبر طول اليوم

لكن من يقرب المغرب ينفذ الصبر وارمي لهم بالطامة الكبرى: بفطـــــــــــــر

عاد تجيهم صدمة حرام عليك والله بس خمس او عشر دقايق بالكثير

وانا اقول لااااااااااء جااااااااايعه عطشاااااااانه وصراخ

ومحاولة اقناع من كل جهة طبعا لأن كلهم أكبر مني الكل بيسوي روحه مرشد

واحيانا يبدأ سبـــــــاق

آخذ كاس الماء بشرب ماي وأركض وتجي اختي تركض وراي بالتهويـه هههههههه

حرام عليك بيأذن

اقتباس :

السؤال الثاني: ماهي ذكرياتك مع رمضان وخاصه مع الاهل في رمضان:

مافي شيء معين بعد يكفي الفضايح اللي بالسؤال السابق

بس زمان كنا زحمـــه كنا احنا وبيت عمي مع بعض فكان وقت الفطور او السحور

ضجه غير طبيعيه وخاصة مع متابعة طاش ماطاش <<تراث عريق بالعائلة

للحين لازم نتابعه احنا وآبائنا

اقتباس :

السؤال الثالث: كلمنا عن ذكرياتك مع السحور ..ومشاهدتك للتفزيون

عاد السحور تعذيــــــب ,,كنا ننام مانتحمل نسهر

ويبدأ عاد كل شوي واحد يجلسك قعدي تسحري مو تجوعين بكرة وتقولين بفطر خخخخخ

وكثيراا ماقدر أفتح عيوني وأنام طبعا اموت جوع باليوم الثاني

أتأدب واقول بتسحر وعساه سحور لقمتين وانام على السفره

في شخص مميز اذا بيجلسك للسحور (جـــدتي)

كانت تقول : يلا قعدو سحور يلا ذا رمضان صيام مافي يمااا ارحميني هههههههههه صراحه ارهااااب

اقتباس :

السؤال الرابع: ماللذي تغير في رمضان الطفوله ورمضان الان.

يعني رمضان الطفولة في برائة واستمتاع بكل شيء حتى بليلة شراء (العزبه )

نستانس حتى على العصير اللي يسمع مايشربون ماادري بس نتذوق كل شيء

وطبعا عدا الليالي اللي ننام فيها بيت جدي (أهل امي) وعيوننا تصير جمر من السهر وأقسى تعذيب لأن نسهر نبي نشوف (بوطبيلة) = المسحراتــي

اقتباس :

السؤال الاخير: كلمه للاعضاء او نصيحه . او مباركه لرمضان

الله يبلغكم رمضان لافاقدين ولامفقودين ,,,

العام كان جدي موجود السنه ........ الفاتحه على روحه الطاهره

كاديه ,,موضوع شيق

تحية جولييييت سكيتلز

السؤال الاول:كيف كانت تقضي وقت الصيام وانت طفل

امم والله في طقولتي ماذكرها كثيير بس اكره واحد فاطر وقاعد ياكل وانا اطالع والمعده تصدر اصوات وغ وغ غريبه بس ووقت الفصحه كنت مااحبها في رمضاان

ماهي ذكرياتك مع رمضان وخاصه مع الاهل في رمضان:؟

كنا نتسحر بضووء معين في للليلون بلمطبخ كان هو الوحيد الي يشغلونه وقت السحوور

الحين كلما يشغلونه داي ركت اربطه بسحوور

والمقاعد على السفره كلو اوحد ومحله معرروف في رمضان

السؤال الثالث: كلمنا عن ذكرياتك مع السحور ..ومشاهدتك للتفزيون

اه على وقت السحووور يعذب لا وبعدها بشوي يقعدونك للصلاه
التلفزيون مافي الا مسلسلات تاريخه .. واشعب هذا الي اذكره

ماللذي تغير في رمضان الطفوله ورمضان الان؟

امم يمكن السهر بس كنا اول ننام الحين لأ نسهر

كلمه للاعضاء او نصيحه . او مباركه لرمضان ؟

كل عام وانتـــــــــم بالف خيـــــــــر وينعاد عليكم ان شاء الله

اقتباس :

كيف كنت تقضي وقت الصيام وانت طفل؟

اممم بصراااحه كانت ايامم حلوووه ماذاكر اني تعذبت بصرااحه احاووول يوم اصوم ويوم لاء

يعني ماكان الصوم اجباري يعني متى بغيت افطر ومتى بغيت اكمل <<<مسكينه جوليييت هههه

اقتباس :

ماهي ذكرياتك مع رمضان وخاصه مع الأهل في رمضان؟

رمضاان شهر كنا نستمتع ونفرح فيه بشكل غير طبيعي كنا اول ننتظرهـ بفارق الصبر بس يجي رمضان

(ترتسم البسمه على وجوهنا )

وكنا نخطط شبنسوووي ونجهز الالعاب (اونو,, ومونبولي,, وغيره)

وكنا اول يعني تقريبا من 3 او 4 سنوات سنوياً نفطر بيت اهلي يومياً (بيت اهل ابوي وامي )

العائله كلها تجتمع كاان حمااااااس كثير ومغامرات الاطفال وضحك وسواالف وتعليقاات وكنا نتحمس وحنا نجهز الفطووور
والحماس اكثر بعد الفطووور اذا خلصناا وبنقوووم كانت عمتي كل تقووول يلا ( همه ,, همه) يعني نشاط تغسيل واني وغيره ...الخ

اي واذكر كنا نتعب حيييييييل وحنا نسهر انا وعمتي واخوي ولد خالتي كنا نقاوم بشكل غير طبيعي ليه عااد بس عشان نشوف بح بوح جناتي<<<شنهو هذا

ماتعرفونه على قولة جوليييت تراث عميق
وكل يوم نقاوم وعلى مايجي وقتها نناام والله حيل نتعب بس شفناه مره وحده عن انفسنا هههه وشفت (بوطبيله ) استانس عليه للحين اذا رحنا بيت اهلي برمضاان نستانس عليه نحب نسمعها

اقتباس :

كلمنا عن ذكرياتك مع السحور ومشاهدتك للتلفزيون ؟

اممممممم
السحووووووور وماادراك السحورر يهتمووون فيه اكثر من الفطووور

هههه اذاكريقولون يلا اكلي مو تقولين بكرا بطني وتستفرقين وتقولين بفطر مااافي (عذاااب)

كانو يجلسووونا اجباري اخوي كان يجلس ع السحور
طول ماهو ياكل يغمض ويفتح<<شدعوه

ولا ابوي يلا اكل بكرا صيااام مو لعبه ,,
ولا اخوي اذاكر مايرضى يقوووم يتسحر عشان بكرا يقول بطني ماكلت ويبي يفطر

اما التلفزيوون انا بصررراحه مو المتابعين لتلفاز كثيير ,, يعني جلسوو يطالعون معهم عاادي

اذا بتابع حدي مسلسل واحد وبرنامج واحد فقط

اقتباس :

مالذي تغير في رمضان الطفوله ورمضان الأن

تغيييييييير كثييييييير اوول كنا ننتظر رمضاان بشوووق اللحين نحاتي اذا جا رمضااان شبنسوي يااااااربي جووووووووووع

اول كنا نستانس ونلعب ومغامرااات ,, اما الحين غير كلشي جد

بس احسنشي يوم كبرنا انو في اجازهـ لنا 8 ايام بالشهر نقدر ناكل فيهم <<<هههههه

اقتباس :

كلمه للأعضار او نصيحه او مباركه ,,,

رمضاان كريم ع الكل واعانكم الله على صيامه وقيامه
وكل عام وانتم بصحهـ وسلام وينعاد عليكم يااااارب

اول شي كل عام وانتم بخير وينعاد عليكم ,,

السؤال الاول:كيف كنت تقضي وقت الصيام وانت طفل؟

ماذكر بالضبط بس واحنا اطفال يعني مانهتم بالتلفزيون والي يجيبه فأذاً اقضيه باللعب وبعد الفطور متعلمين على طاش ماطاش

السؤال الثاني: ماهي ذكرياتك مع رمضان وخاصه مع الاهل في رمضان:؟

ان مسكينة امي تسووي حلى بس كل اتخانق معها مب حلوو ولا اكل منه واهي مسكينة كل تقوول انا مستحيل اسووي حلى يعجبكـ طبعاً انا مشهور بعمل الحلى يعني اي شي اسوويه البيت ياكله يقوول حلوو

السؤال الثالث: كلمنا عن ذكرياتك مع السحور ..ومشاهدتك للتفزيون؟

الصراحة انا عندي وقت السحور احلى من وقت الفطور واذكر قبل كم سنة يجيبون سباق المشاهدين برنامج انتم نجومه هذا كنا نطالعه وقت السحور

السؤال الرابع: ماللذي تغير في رمضان الطفوله ورمضان الان.؟

في رمضان الطفولة نحس بجوو رمضان وناسة بس مافي تعب بس الحين تغير نحس باجواء رمضان مع التعب في الصوم

السؤال الاخير: كلمه للاعضاء او نصيحه . او مباركه لرمضان.....

اقوولكم السنة عاد نبي اشياء تسوونها جديدة مو كل مسلسلات ونوم وفطور وسحور نبي اعمال والله يتقبل جميع اعمالكم يارب